BOFYA "LIKE" KUUNGANA NASI

Cancel

UNYAMA GANI HUU:MWANAMKE ANUSURIKA KUCHINJWA NA MWANAMKE MWENZAKE

Wanawake wanne wanaojiita Kundi la ‘Boko Aramu, hivi karibuni wamemteka msichana mmoja mrembo aitwaye Marry kisha kumfanyia kitu mbaya ikiwa ni pamoja na kumdhuru sehemu zake za siri.
Marry akiwa katika Hospitali ya Mount Meru, baada ya kunusurika kuchinjwa.
Sikia simulizi ya Marry
Akizungumza kwa tabu akiwa katika Hospitali ya Mount Meru, Marry ambaye anamiliki saluni ya kike alisema, chanzo cha kufanyiwa hivyo ni wivu wa mapenzi huku akimtaja rafiki yake wa karibu aitwaye Maurin kuhusika.
Alisema, siku ya tukio akiwa ndani ya saluni yake alifika Maurin na kumtaka aende kwenye chumba chake kuna jambo akamsaidie lakini alipofika huko akashangaa anataitiwa.
“Ilikuwa saa mbili usiku, alikuja Maurin na kuniomba niende katika chumba chake, nilipofika tu mlangoni kwake akanisukumia kitandani, mara nikaona kundi la wanawake likinivamia na kuanza kunishambulia.
“Walinipiga sana, baadaye walinivua nguo zote na kunilaza kitandani kisha mmoja akanifanyika kitendo cha kikatili ambacho siwezi hata kukisimulia.

Baadhi ya ndugu wa Marry wakiwa katika kituo cha polisi.
Niliumia sana, nikapiga kelele sana lakini hawakuniachia,” alisema Marry na kuongeza:
“Walizidi kunikandamiza, nahisi lengo lao ilikuwa ni kuniua. Mara mwanamke mmoja akaniuliza kwa nini natembea na bwana wa Maurin. Nikashangaa kusikia maneno hayo. Nikawaambia Maurin ni rafiki yangu na wala huyo bwana wake simjui. Basi wakazidi kunipiga.
“Mmoja akachukua kisu na kuniwekea shingoni, mwingine akachukua kichupa ambacho nahisi kilikuwa na tindikali, ikabidi nijilazimishe kuamka na kuwapigia magoti wasiniue.“Wakakubali kunisamahe lakini wakadai niwalipe gharama zao kwani wametoka Dar kuja kuniua. Nikawaambia sikuwa na fedha, wakaitana pembeni kisha wakaondoka na kuniacha pale nikiwa na maumivu.
“Walipoondoka tu nikaanza kupiga kelele na ndipo watu walipokuja kunipa msaada kisha tukaenda kutoa taarifa katika kituo kikuu cha polisi na kufungua jalada la kesi lenye namba AR /RB /3717/2015,” alisema Marry.
Kaimu Kamanda wa Jeshi la Polisi Mkoa wa Arusha, Edward Balele alithibitisha kutokea kwa tukio hilo na kueleza kuwa mpaka sasa jeshi hilo linawashikilia wanawake wawili kati ya wanne waliohusika kumtendea unyama dada huyo.

»

BARNABA: DIAMOND SIO MWANAMUZIKI WA KWELI ANAIMBA KIUNJANJA TU

Jana, Wakati akihojiwa na Mwanadada Shadee kwenye Kipindi cha Clouds E cha Clouds TV, Msanii 'Fundi wa Muziki' kutoka nyumba ya vipaji THT, Barnaba Elias 'Barnaba', pamoja na mambo mengi aliyozungumzia, alitoa maelezo kuhusu wasanii watano anaowakubali na sifa zao Kimuziki ambapo alimtaja Msanii wa BongoFleva Diamond Platnumz kuwa sio 'Mwanamuziki' mwenye kujua kuimba muziki kiufundi.

Akifafanua kauli yake kwa mapana , Barnaba alieleza kwamba Diamond hajui kuimba kufuatana na alama zote muhimu za muziki, bali hutumia mtindo flani wa kuimba 'kiujanja', mtindo ambao kwa wanaojua kuimba muziki technically huwa wanautumia pale wanapofeli kufuata kanuni za uimbaji wakati wakiimba.

Hata hivyo, alimsifia kwa kuwa 'mjanja' na kuweza kufanya muziki wake kuvutia na kuleta ladha.

Orodha ya wasanii ambao aliwatolea maoni na kusema ni wasanii anaowakubali sana ni pamoja na, Diamond, Ally Kiba, Ditto, Amini na yeye mwenyewe.

»

KUHOJIWA JUU YA KUTOA LUGHA CHAFU DHIDI YA ASKOFU PENGO

Gwajima na Team yake
Pamoja na leo kipande cha sauti kusambaa kuwa Gwajima angejisalimisha Jumatatu kwa kuwa kwa sasa yupo Arusha na kuwataka waumini wake kufika polisi Jumatatu bila kufanya vurugu. Kwa sababu ambazo hazijatolewa bado, askofu Gwajima amejisalimisha kituo cha Polisi tayari leo Ijumaa ili kuhojiwa juu ya kutoa lugha chafu dhidi ya Askofu Mkuu wa Kanisa Katoliki Jimbo Kuu la Dar es Salaam, Muadhama Polycarp Kardinali Pengo.

»

NIKIFA MAZISHI YANGU NATAKA YAWE YA MWALIKO MAALUM – LADY JAYDEE

Lady Jaydee haogopi kufa na infact anataka mazishi yake yawe na mwaliko kama vile harusi zilivyo.

Katika muendelezo wa post zake ‘controversial’ Lady Jaydee ameweka picha za majeneza mawili ya kifahari ambayo anapenda akifa azikwe.

Hata hivyo ana masharti – mazishi yatakuwa ya mialiko maalum na hatopenda mwili wake ufunuliwe.

“I’ve changed my mind Sitaki tena lile la purple Moja kati ya hayo hapo juu #MsiMind #KilaMtuAtakufa #Msiogope Nilikuwa nafikiria pia iwe invitees only #SitakiKufunuliwa,” ameandika Jide.

»

BINTI AFUMANIWA GESTI NA MUME WA DADA YAKE

Binti aliyetajwa kwa jina la Biena mkazi wa Kawe jijini Dar, hivi karibuni alipata aibu baada ya kufumaniwa ndani ya gesti (ipo maeneo hayohayo) akiwa na mume wa dada yake.
Biena akijificha baada ya fumanizi hilo.
Chanzo makini kilichokuwa eneo la tukio kilieleza kuwa, Biena na mume wa dada yake aitwaye Abasi wamekuwa na uhusiano kwa muda mrefu kabla ya juzikati kunaswa laivu wakiwa gesti.“Beina anaishi na dada yake aitwaye mama Saida, amekuwa akimzunguka kwa kutembea na shemeji yake hadi sisi majirani tukakereka.
“Sasa siku ya tukio mama Saida ambaye ni mjamzito alikuwa kalala, tukamuona  Abasi na Biena wakielekea gesti. Uzalendo ukatushinda, tukaona tumsaidie dada wa watu kuwafumania.“Tukaenda hadi kwenye ile gesti, tukawafumania wakiwa ndani, Abasi akaingia mitini mpaka leo hajulikani aliko, Beina akatoka na kukimbilia nyumbani kwa dada yake,” alisema mtoa habari huyo.
Akilia.
Mama mwenye nyumba aliyejitambulisha kwa jina la mama Farida alisema ni kweli binti huyo alikuwa akitembea na shemeji yake na majirani walichoshwa na hilo ndiyo wakaamua kumtolea uvivu. Biena alipobanwa alikiri kufumaniwa lakini akadai aliponzwa na tamaa ya chipsi kuku, akaomba msamaha kabla ya kurejeshwa kwao Tu

»

MASTAA HODARI WA KUFICHA MIMBA

Kupata mimba ni jambo la heri na heshima kwa mwanamke. Mwanamke anaposhika mimba hujiona amekamilika lakini yule ambaye siku zinakwenda lakini kila akitega hanasi, hujisikia vibaya.
Jennifer Kyaka 'Odama' akiwa na mwanaye.
Hata hivyo, suala la ujauzito limekuwa likipokewa kwa hisia tofauti na mastaa wa Bongo. Wapo ambao wakipata mimba, dunia nzima itajua. Watajipiga picha na kuzitundika mtandaoni huku kila sehemu zenye mikusanyiko wakijiachia.
Lakini wapo ambao wakinasa, hata shughuli zao zinasimama. Hutawaona mtaani, wakiulizwa kama wana mimba wanakataa.Ni kweli wataficha mimba hadi wanakuja kujifungua. Hawa tunawaita mahodari wa kuficha ujauzito. Wafuatao ni wale waliotia fora katika siku za hivi karibuni kwa kuficha ‘vitumbo’ vyao.
Snura Mushi
Utakumbuka jinsi alivyojificha mara baada ya kunasa mimba ya huyo mtoto mchanga aliyenaye sasa. Hata pale alipojifungua, alikuwa mgumu kukubali kuwa amezaa.
Halima Yahaya ‘Davina’
Huyu ni mke wa mtu lakini naye alipobeba mimba ya mtoto wake wa pili, alificha ujauzito wake na hakuonekana sehemu yoyote hadi alipojifungua.
Husna Sajent
Yapo madai kuwa mwanadada huyu ana mimba ya msanii mwenzake (jina kapuni kwa sasa). Mwenyewe akipigiwa simu kuulizwa anakataa na sasa hivi haonekani kwenye minuso kama ilivyokuwa kawaida yake.
Snura Mushi akiwa na mwanaye.
Odama
Muite Jennifer Kyaka. Mwanaye wa kiume aliyenaye alificha sana ujauzito wake. Kuna wakati alinaswa kwenye harusi ya mdogo wake akaulizwa lakini alikataa, hakuonekana tena mpaka alipojifungua.
Maimartha Jesse
Ni mke wa jamaa aitwaye Shaa. Huyu naye wengi walimshangaa kuficha mimba yake wakati alikuwa ndani ya ndoa, hata hivyo alisema aliamua tu, na kweli picha ya ujauzito wake haikuweza kupatikana kirahisi.
Queen Suzy
Bwana wake ni mwanamuziki aitwaye G-Seven. Naye alificha sana mimba yake, picha yake ilikuwa adimu na hakuweza kusikika kabisa mpaka pale zilipovuja kuwa amepata mtoto wa kike
Welu Sengo
Ana mpenzi wake lakini hajulikani. Wakati ni mjamzito, alipotea kabisa! Zikavuja kuwa ana mimba akakataa. Akasakwa sana ili picha ipatikane lakini mapaparazi wakaambulia patupu.
Safina
Ni staa wa igizo la Mizengwe, jina lake kamili ni Jesica Kindole. Ulishawahi kuona kitumbo cha mtoto wake wa kiume aliyenaye sasa? Jibu litakuwa hapana!
Salma Salmini- Sandra
Huyu naye ni muda mrefu zimevuja kuwa ni mjamzito lakini mpaka leo hii hakuna ushahidi na inasemekana anajificha kweli.Hao ni baadhi ya mastaa wa kike ambao katika siku za hivi karibuni walipata mimba lakini wakajificha.

»

JOKATE ANATUTIA AIBU, MWENYEWE ATOA UTETEZI

Ile skendo ya kupiga picha za nusu utupu na kuzisambaza kwenye mitandao ya kijamii huku midume ikijirushia na kujifaidia kwa macho, ukijumlisha aibu mpya ya kukata mauno mbele ya wanaume, staa mwenye jina kubwa Bongo, Jokate Mwegelo ‘Kidoti’ amewakera wanakwaya wenzake ambao wamedai kuwa anawatia aibu.Staa mwenye jina kubwa Bongo, Jokate Mwegelo ‘Kidoti’.
TUJIUNGE KANISA LA SAINT PETER, OYSTERBAY, DAR
Ishu ya Jokate kutupia picha za nusu utupu mitandaoni si mpya, mara kadhaa amekuwa akiripotiwa kwa tabia yake hiyo kiasi cha kuwakera wanakwaya hao wa kanisa analosali la Saint Peter lililopo Oysterbay jijini Dar.




Mbali na picha hizo, safari hii anaandamwa na skendo mpya ya kudaiwa kukata mauno mbele ya midume anapokuwa kwenye shoo zake baada ya kutumbukia kwenye muziki wa Bongo Fleva.
AJADILIWA KANISANI
Kwa mujibu wa baadhi ya wanakwaya hao, wamekuwa wakimjadili mara kwa mara hasa wanapokuwa mazoezini kanisani hapo mara baada ya mmoja wao kurushiwa picha za mwanadada huyo kwenye mitandao ya kijamii.
NI AIBU KWA KANISA?
Baadhi ya wanakwaya hao walikwenda mbele zaidi na kudai kwamba mbali na kuwa ni kioo cha jamii lakini bado ni alama ya kanisa hivyo ni aibu kwa kanisa pia kwa sababu binti aliyelelewa kidini kama Jokate hawezi kuwa na tabia za aina hiyo.
Jokate akiwa kwenye pozi.
AU BIASHARA MATANGAZO?
Kuna baadhi walidai labda mwanadada huyo anafanya hivyo ikiwa ni njia ya kujitangaza yeye na biashara yake bila kujali kama anaweza akajiondolea ute wake na heshima aliyoijenga kwa miaka mingi.
“Ukweli ni kwamba Jojo (Jokate) anatutia aibu maana malezi ya kidini hayapo hivyo. Anatakiwa kuwa mfano wa kuigwa na watu wote.
USHAURI WA BURE
“Sisi tunamshauri arudi awe kama zamani kwani alikuwa binti wa mfano kanisani. Hakuna mtu wa kuonesha maumbile yake muhimu hadharani. Kwanza alipoingia kwenye mambo ya muziki ndiyo hali imekuwa mbaya maana ukiona video zake hutamani kuziangalia na watu wenye heshima zao,” alisema mmoja wa wanakwaya hao kwa niaba ya wenzake huko akiomba chondechonde kutotajwa gazetini.
Mwingine akasema: “Unajua Jokate niliyekuwa namjua mimi siyo huyu, siyo huyu wa kupiga picha hizi chafu, kwa kweli ni aibu kwake na kwetu pia kwani tunaonekana huenda tukiwa kanisani tunaficha makucha yetu, abadilike.”
JOKATE AJITETEA
Akizungumza na Ijumaa juu ya sakata hilo, Jokate alifunguka kuwa, kanisa analosali halimzuii kukata mauno jukwaani kwani anachofanya yeye ni kazi kama kazi nyingine.Jokate ambaye ndiye mmiliki wa bidhaa za ‘brandi’ ya Kidoti alisema kwamba, huwa anakwenda kanisani kama kawaida na kwaya anaimba kama siku zote na hilo haliwezi kumzuia kufanya kazi yake ya muziki na kukata mauno.
MAUNO KWA WINGI YANAKUJA
Jokate alisema kuwa ngoma yake mpya aliyokuja nayo hivi karibuni ya Leo Leo aliyomshirikisha Ice Prince wa Nigeria ndiyo imemdatisha na watu watarajie mauno kwa wingi kwani amejipanga vilivyo.“Mashabiki wangu wakae mkao wa kula kwani mauno ya sasa si mchezo, ni hatari tupu, nimedata na huu muziki, kiukweli nitajiachia kuliko siku zote,” alisema Jokate ambaye pia ni mwigizaji wa sinema za Kibongo.

»

AFYA YA MAMA DIAMOND SIO NZURI

Afya ya mama mzazi wa msanii nyota wa Bongo Fleva, Nasibu Abdul ‘Diamond Platinumz, Sanura Kassim ‘Sandra’ bado si shwari juzikati hali yake ilibadilika ghafla na kuilazimu familia yake kumkimbiza katika Hospitali ya TMJ iliyoko Mikocheni jijini Dar ambako amepewa kitanda, Ijumaa limetonywa.
Msanii nyota wa Bongo Fleva, Nasibu Abdul ‘Diamond Platinumz akiwa na mamaake.
Chanzo cha uhakika kililieleza gazeti hili kuwa mama Diamond ambaye amekuwa akisumbuliwa na maradhi yenye kuashiria kupooza, juzikati alizidiwa na kusababisha ndugu zake wampeleke hospitali.
“Mamake Diamond ana wiki sasa hospitalini, lakini mwenyewe Diamond hataki watu wajue, anakwenda kwa kujificha, wakati mwingine hadi saa saba usiku, sijui anaficha nini wakati suala lipo wazi tu, nadhani tukeshe tukimuombea ili hali yake iweze kurudi kama zamani,” kilisema chanzo chetu.
Gazeti hili lilifunga safari hadi hospitalini hapo ili kujiridhisha juu ya habari hizo, lakini mhudumu mmoja aliyeulizwa juu ya uwepo wa mama huyo, alikubali kuwa ni kweli amelazwa hapo, lakini lisingeweza kuruhusiwa kumuona bila ruhusa ya Diamond au wanafamilia.
Akipozi na mamaake.
Diamond alipotafutwa kuzungumzia afya ya mama yake aligoma kusema lolote zaidi ya kuomba aachwe kwani wanao uwezo wa kuzungumzia mambo mengine bila kugusia kuhusu mzazi wake.“Naomba unipe muda maana nina matatizo sana, hata kuzungumzia ishu hiyo nadhani hakuna haja,” alisema Diamond.

»

AUNTY EZEKIEL ANASWA KININJA KLINIKI

Mama kijacho ambaye ni msanii wa filamu, Aunt Ezekiel juzikati alinaswa akiwa  kliniki huku akiwa amevaa vazi la baibui ambalo linamuonesha macho tu, maarufu kama vazi la kininja.
 
Msanii wa filamu, Aunt Ezekiel akiwa amevaa vazi la baibui ambalo linamuonesha macho tu, maarufu kama vazi la kininja.
Paparazi wetu akiwa kwenye majukumu yake, ghafla alimuona staa huyo ambaye ni wa kujifungua leo au kesho akiwa kwenye vazi hilo katika Hospitali ya Penisulla iliyopo Msasani jijini Dar, hali iliyosababisha watu kutomtambua.
Hata hivyo, wakati akitoka kwa daktari, mwandishi wetu aligundua kuwa aliyekuwa akimuona mbele ya macho yake ni Aunt na ndipo alipomfuata na kumuuliza kulikoni.“Nimechoka kuangaliwaangaliwa, yaani mimba yangu imekuwa kama kitu cha ajabu, kila ninapopita watu macho kodooo, ndiyo maana nimeamua niwe navaa hivi ninapokuwa kwenye maeneo  yenye watu wengi,” alisema Aunt.

»

ASKOFU GWAJIMA ATAKIWA KUHOJIWA NA JESHI LA POLISI KUHUSU TUHUMA ZA KASHFA NA MATUSI DHIDI YA KALDINARI PENGO

Jeshi la Polisi Kanda Maalum ya Dar es Salaam linamtaka Askofu JOSEPHAT GWAJIMA wa Kanisa la Ufufuo na Uzima afike haraka katika kituo cha Polisi cha Kati ofisi ya Mkuu wa Upelelezi Kanda Maalum ya Dar es Salaam kwa mahojiano kuhusu tuhuma za kashfa na matusi.

"Tumepokea malalamiko ya kukashifiwa na kutukanwa hadharani Mwadhama Kaldinari Polycarp Pengo ambaye ni kiongozi wa Kanisa Katoliki nchini Tanzania. Kupitia mitandao mbalimbali ya kijamii kama vile WhatsApp na mingineyo kuna sauti iliyorekodiwa (audio) na picha za video (Video Clip) zikimuonyesha Askofu Gwajima akimkashfu na kumtukana kwa maneno makali Kaldinari Pengo katika hali ambayo pia imewaudhi watu wengine".

Baada ya tukio hilo juhudi mbalimbali zimekuwa zikifanyika katika hali ya kawaida ili kumpata Askofu Gwajima bila mafanikio na hivyo yeye mwenyewe sasa anatakiwa aende akaripoti haraka kwa Mkuu wa Upelelezi wa Kanda Maalum ya Dar es Salaam bila kukosa.

Ni muhimu sana kwa Askofu Josephat Gwajima kuripoti yeye mwenyewe badala ya Kutafutwa au kukamatwa ili ajibu tuhuma hizo kutokana na nafasi yake katika jamii.

Jalada la uchunguzi limefunguliwa na upelelezi wa shauri hili unaendelea ili sheria ichukue mkondo wake.

Imetolewa na: 
S. H. KOVA,
KAMISHNA WA POLISI KANDA MAALUM
DAR ES SALAAM

»

BUNGE LAPITISHA RASMI ADHABU KWA WANAOJIHUSISHA NA MADAWA YA KULEVYA..ADHABU YA KIFO YAONDOLEWA

BUNGE limepitisha rasmi Muswada wa Sheria ya Udhibiti wa Dawa za Kulevya wa mwaka 2014, huku adhabu ya kifo kwa watakaokutwa na dawa hizo, ikishindikana kuingizwa kwenye muswada huo, isipokuwa mapapa na vigogo wa biashara hiyo, wameongezewa adhabu ya faini ya Sh bilioni moja na kifungo cha maisha.

Hata hivyo, baadhi ya wabunge bado wameendelea kung’ang’ania kuwa sheria hiyo ijumuishe adhabu hiyo kali ya kifo kwa wafanyabiashara, mapapa au vigogo wanofadhili biashara hiyo, kwa kuwa madhara ya dawa hizo ni makubwa na yanaathiri zaidi vijana ambao ni nguvukazi ya nchi.

Akitoa majumuisho ya michango ya wabunge kuhusu hoja ya muswada huo, Waziri wa Nchi, Ofisi ya Waziri Mkuu, Sera, Uratibu na Bunge, Jenista Mhagama, alisema adhabu ya kifo haiwezekani kuingizwa kwenye sheria hiyo, kwa kuwa adhabu hiyo nchini iko kwenye makosa mawili pekee.

“Ni kweli Tanzania ni miongoni mwa nchi ambazo bado zinatoa adhabu ya kifo, lakini kwa mujibu wa sera iliyopo, adhabu ya kifo imeingizwa na kubainishwa kwenye makosa ya uhaini na mauaji pekee,” alisema Mhagama.

»

IRENE UWOYA ALIA NA WASICHANA WANAOTOA MIMBA

Irene Uwoya
Staa mrembo kutoka Bongo Movies,amewaasa wanawake  kuacha kutoa mimba hata kama  watakumbana na mtatizo,kwani mtoto ndio kila kitu katika maisha.

Msanii huyu alitoa wito huo hivi juzi kati akiwataka  wajawazito wote waliokataliwa  na wapenzi wao kuonyesha kuwa  wao  ni wanawake majasiri  kwa kutothubutu kutoa mimba hizo.

Mtoto  ni zawadi  kutoka kwa  Mungu, siku ya leo  nawashauri wanawake  wanaokataliwa  mimba na wapenzi wao wasitoe wala kufanya  chochote muonyeshe kama wewe ni mwanamke jasiri na unaweza, mtoto ndio kila kitu, ‘plzzzz’ usitoe mimbaaa’. Alisema.

Kufuatia ujumbe huo baadhi ya mashabiki wake  walionekana  kumuunga mkono  mrembo huyu ambae ni mama wa mtoto mmoja.
You might also like:

»

UTATA WA PICHA ZA UTUPU ZA MSICHANA HUYU KWENYE MITANDAO

Kama ni mpenzi wa Hekaheka nakusogezea hii iliyosikika leo mtu wangu, inatoka Shinyanga ambapo kuna story ya msichana ambaye ana wana tabia ya kujipiga picha za utupu na kuzisambaza Whatsapp na Facebook.
Marafiki wa karibu wanasema kwamba amekuwa akijipiga picha hizo na kuwatumia marafiki zake pamoja na wanaume, huku akijisifia uzuri wake, ambapo wao wanaona kitendo hicho ni udhalilishaji hata kwao pia.
Kijana mmoja ambae alitumiwa picha na msichana huyo amesema alishangaa kurushiwa picha hizo japo hakujua lengo la msichana huyo.
Msichana ambaye ametajwa kurusha picha hizo amesema kwamba alipiga picha hizo na rafiki yake lakini baadae akashangaa kuona picha hizo zimeenea.
Kusikiliza story yote bonyeza play hapa chini…

»

USHAHIDI WA KUWA ZARI ANA UJAUZITO WA DIAMOND HUU HAPA..NO DOUBT TENA.


Haya Hii Nadhani itakiwa ni Kata Ngebe Baada ya Watu mbali mbali mitandaoni kuwa na wasi wasi kuwa Zari si Mjamzito ..Picha inajieleza yenyewe hapo juu..Ama ni Photoshop Jamani?
Hongera Zari na Dai..

»

HIVI NDIVYO JELA ILIVYOVUNJA UHUSIANO WA MASTAA BONGO

Jack Patrick, akiwa na mumewe wa ndoa, Abdulatif Fundikira.
Na Waandishi wetu
KATIKA ulimwengu wa wapendanao kuna changamoto nyingi ambazo wapenzi hukutana nazo huku wengine wakizishinda na baadhi kushindwa.
Wapo wapenzi walioshindwa kuendelea na uhusiano wao mara baada ya mmoja kuugua, kupata ulemavu na sababu nyingine nyingi, lakini wapo walioendelea kuvumiliana pamoja na sababu zote hizo na hatimaye penzi lao likazidi kuimarika na kuwa mfano katika jamii.
Hali hiyo haipo kwa watu wa kawaida peke yao bali hata kwa mastaa wetu wamejikuta wakiangukia katika mtihani huo na kushindwa kuhimili kusimamia mapenzi yao. Kifungo au jela ni moja ya sababu zinazosababisha ndoa au uhusiano wa mastaa wengi na wenza wao kuharibika.
Katika makala haya tunakuletea orodha ya baadhi ya mastaa ambao wamekumbwa na sakata hilo:-
Jack Patrick,
Mumewe na Jux
Jack Patrick ambaye aliwahi kushiriki Shindano la Miss Tanzania 2011, alijikuta akitiwa jela mwishoni mwa mwaka 2013 huko Macao, Hong Kong, China baada ya kudaiwa kukutwa na kete 66 za heroin. Wakati Jack anatumikia kifungo chake mumewe wa ndoa, Abdulatif Fundikira alidaiwa kushindwa kuvumilia na kumuoa kisiri Miss Tanzania 2011, Salha Israel hivyo kuhitimisha rasmi uhusiano wao.
Hata hivyo, wadadavuzi wa mambo walidai kuwa hiyo ilitokana na malipizi kwa kuwa hata wakati Abdulatif aliposwekwa lupango akihusishwa na ishu hiyohiyo ya madawa ya kulevya, Jack Patrick naye aliwahi kumsaliti kwa kutoka na msanii wa Bongo Fleva, Juma Mussa ‘Jux’.
Kajala na Mumewe.
Kajala na Mumewe
Kajala ni staa wa muvi ambaye sakata lake lilianza baada ya yeye na mumewe kuswekwa ndani kwa kosa la kutakatisha fedha na mashtaka mengine. Kajala alitakiwa kutoa faini ya shilingi milioni kumi na tatu (13) au kwenda jela miaka saba (7) huku mumewe, Faraja Chambo akienda jela kutumikia kifungo cha miaka 12 baada ya kushindwa kutoa faini ya shilingi milioni 213.  Ashukuruwe Wema Sepetu ambaye alimtoa Kajala kwa kulipa kiasi hicho cha fedha.
Akiwa uraiani, Kajala alidaiwa kushindwa kuvumilia kukaa na upweke na kukwaa skendo za mapenzi ikidaiwa kutoka na wanaume tofauti lakini kubwa ni ya kutoka na Kigogo mmoja (jina tunalihifadhi) anayetanua naye sehemu mbalimbali wakati mumewe akiozea jela bila msaada wowote kutoka kwake, japokuwa mara kadhaa amekuwa akimuomba Kajala amtoe.
Z. Anto akiwa na aliyekuwa mumewe Sandra.
Binti Kiziwi na Z. Anto
Baada ya kutoka na video ya Wimbo wa Binti Kiziwi, Mbongo Fleva, Z. Anto aliamua kumuoa binti aliyetumika katika video hiyo ‘video queen’ (Sandra Khan).
Hata hivyo, misukosuko ya ndoa yao ilianza baada ya kutimiza miaka mitatu ambapo Z. Anto na Sandra walitengana kwa kudai kuwa mkewe alikuwa akishirikiana na makundi mabaya. Uhusiano wao uliisha rasmi baada ya Sandra kunaswa mwanzoni mwa mwaka 2013 huko Hong Kong, China akiwa na ‘mzigo’. Katika moja ya mahojiano, Z. Anto alidai kuwa kwa sasa anaendelea na maisha yake na anatafuta msichana mwingine wa kuoa.
Aunt Ezekiel na Sunday Demonte.
Aunt Ezekiel na Sunday Demonte
Staa wa muvi, Aunt Ezekiel aliwashtusha watu baada ya kuolewa na Sunday Demonte, Mtanzania aishiye ughaibuni.
Habari zilidai kuwa mumewe huyo ameswekwa rumande jijini Abu Dhabi katika nchi za Falme za Kiarabu (UAE) kwa kesi ya madawa ya kulevya. Kama mastaa wengine, Aunt Ezekiel naye alishindwa kujizuia na kuchepuka na dansa wa Mbongo Fleva, Diamond Platnumz, Mose Iyobo na hatimaye kubeba mimba ambayo siyo ya mumewe Sunday.

»

HUKU AKISAKWA KUMPASUA KICHWA MTU TID AMPIGA MENEJA WAKE

PEPO la ugomvi linazidi kumuandama staa wa Bongo Fleva, Khaleed Mohamed ‘TID’, baada ya kusakwa na jeshi la polisi kwa kosa la kumjeruhi mtu mwishoni mwa wiki iliyopita, msanii huyo ametengeneza kicha cha habari kwa mara nyingine akidaiwa kumpiga meneja wake aliyefahamika kwa jina la Tall Mnyama.
Staa wa Bongo Fleva, Khaleed Mohamed ‘TID’.
Katika tukio la awali, TID alidaiwa kutembeza kichapo na kumjeruhi James Richard, mkazi wa Jiji la Dar kwa kosa alilodai kuwa ni kupaki gari kwenye eneo lake, maeneo ya nyumbani kwa msanii huyo, Kinondoni-Sterio jijini Dar.
Tukio la kumpiga meneja wake, TID anadaiwa kulifanya katika Hotel ya Element, Oysterbay ambapo inaelezwa kuwa msanii huyo alifika hotelini hapo akiwa na wapambe wake na alipomkuta meneja huyo, alibishana naye kwa muda mfupi kisha kumzaba kibao.
“Alimkuta mwenzake (Tall) kaka sehemu, akamsemesha na alipojibu tu akamzaba kofi, lakini huyu meneja wake alikuwa mstaarabu, hakumlipizia. Baada ya tukio hilo TID alitokomea na kama unavyojua sasa hivi anaishi kama digidigi, mbaya zaidi watu wanasema asipompiga mtu hasikii raha,” kilidai chanzo chetu.
Chanzo hicho kilizidi kumwaga ‘ubuyu’ kuwa, meneja huyo baada ya kupokea kipigo hicho, alikwenda kutoa taarifa katika Kituo cha Polisi Oysterbay kilicho chini ya Camillius Wambura (pichani) ambapo lilifunguliwa jarada lililosomeka; OB/RB/3922/2015/TAARIFA.
RPC Camillius Wambura.
Mwanahabari wetu alipomtafuta meneja huyo kuhusiana na tukio hilo, alikiri kuwa limemtokea lakini akasema hakutaka kulivalia njuga lakini alichokifanya ni kutoa taarifa polisi ili endapo atarudia, amchukulie hatua kali zaidi za kisheria.
“Ni kweli TID alinishambulia kwa kunipiga kibao, iliniuma sana lakini nimeamua kumsamehe, nilichokifanya ni kutoa taarifa polisi ili kama atarudia nimfikishe katika vyombo husika,” alisema meneja huyo.
Jitihada za kumpata TID ili aweze kuzungumzia tukio hilo hazikuzaa matunda kufuatia simu yake kutopatikana hewani.Jitihanada za kumpata Wambura hazikufanikiwa baada ya simu yake kuita bila kupokelewa kwa siku ya juzi.

»

SIRI YA DIAMOND KUHAMIA KWAKE YAVUJA, YADAIWA NI

zari 12

HATIMAYE siri ya nyota wa Bongo Fleva, Nasibu Abdul ‘Diamond’ kuhamia kwenye mjengo wake wa kisasa uliyopo Tegeta -Madale jijini Dar imevuja huku ikitajwa kuwepo na vionjo vya ushirikina.
Nyota wa Bongo Fleva, Nasibu Abdul ‘Diamond’.
Chanzo makini kimeliambia Amani kuwa, licha ya kumalizika kwa mjengo huo, lakini Diamond alikuwa akikataa kuhamia kutokana na umbali kutoka huko hadi mitaa aliyoizoea lakini shinikizo lilikuja kutoka kwa mpenzi wake wa sasa, Zarina Hassan ‘Zari’  ambaye tangu aliponasa ujauzito amekuwa akitamani kuwa karibu na mpenzi wake huyo ila ilikuwa ikishindikana kufuatia mazingira aliyokuwa akiishi mwanzo Diamond, Sinza-Mori, Dar.
Muonekano wa mjengo wa  Diamond.
“Ndugu yangu kama unataka kufahamu undani zaidi wa hiki ninachokueleza muulize Diamond mwenyewe atakwambia, Zari siku zote alikuwa akitaka kuwa karibu na Diamond, hasa baada ya ujauzito lakini ndugu zake walikuwa wakimkatalia kufanya hivyo kwa kuhofia mimba yake kuchoropoka kutokana na vijicho vya watu.
zari 10
Mpenzi wa Diamond Platinumz, Zarina Hassan ‘Zari’ akiwa katika mjengo huo.
“Kingine kilichokuwa kikimfanya Diamond ashindwe kumruhusu Zari kuwepo makazi ya awali ya Diamond ni mama yake alipougua, si unajua ilidaiwa yalikuwa ni mambo ya kishirikina?“Amini usiamini kutokana na mambo hayo, ilibidi Zari amwambie Diamond akamilishe nyumba yake haraka iwezekanavyo ili tu aweze kuhamia na yeye aje kukaa maana tangu awe mjamzito mara kadhaa amekuwa akitamani sana kuishi na Diamond,” kilisema chanzo hicho.
Juzi, paparazi wetu alimtafuta Diamond laivu ili aweze kuyaweka sawa madai hayo ambapo baada ya kupatikana alijibu hivi:“Kaka, hayo maneno wewe achana nayo maana kila mtu anaongea anachokifahamu, isitoshe yanaongewa mengi kwa kuwa wanajua nimehama Sinza. Ila ninachoweza kusema kila jambo linapangwa na Mungu hivyo sina uwezo wa kuwazuia watu kusema wanachojisikia.”
Jumamosi iliyopita, Diamond alikata shauri na kuhamia kwenye makazi yake mwenyewe baada ya ujenzi wa miaka karibia mitatu. Kwa mujibu wa mkandarasi mmoja, nyumba hiyo mpaka kukamilika kwake, imetafuna karibu shilingi milioni mia nne (400,000,000)

»

POMBE YA MBEGE YAZUA TIMBWILI NI MCHANA KWEUPE, AFUNGA BARABARA, USAFIRI UBUNGO WATIBUKA

Pombe maarufu kwa jina la Mbege hivi karibuni ilizua timbwili la aina yake baada ya mama anayeuza kilevi hicho maarufu mama Manka kulazimika kuwajia juu wateja wake wawili ambao ni makondakta wa mabasi yaendayo mikoani katika stendi kuu ya Ubungo jijini Dar es Salaam. Shuhuda wa tukio hilo lililojaza watu alisema lilitokea asubuhi ya Machi 20, mwaka huu chini ya daraja jipya lililojengwa na Kampuni ya Strabag lililopo katika mradi wa barabara ya mabasi yaendayo kasi ambapo makonda hao walikuwa miongoni mwa wateja waliokuwa wakinywa kinywaji hicho kinachouzwa kiasi cha shilingi elfu moja kwa kikombe.
Ghafla, zogo liliibuka baada ya mama Manka kubaini kuwa vijana wawili wanaofanya kazi kwenye mabasi yaendayo Kanda ya Nyanda za Juu Kusini, walikuwa wanataka kuondoka bila kumlipa fedha zake, jambo lililomfanya kuja juu, kabla ya kutulizwa na wateja wengine wakimtaka apunguze munkari ili kuzuia ‘inzi’ waliokuwa wanaanza kujaa.
Kufuatia jazba alizokuwanazo mama huyo, aliziba barabara kwa muda jambo lililosababisha kutibua usafiri Ubungo Stand.Ingawa baada ya kushtukiwa makonda hao walidai kuwa walishalipa fedha hizo, lakini baada ya mama huyo kuwaganda na kudai kutolipwa, hatimaye walilipa na kuondoka kimya kimya.
Hata hivyo, kitendo cha makonda hao wa basi kunywa ulabu mida hiyo kuliwafanya baadhi ya watu kuunganisha tabia hiyo na ajali za mara kwa mara zinazotokea.“Yaani hii inaonesha kiasi gani hawa makonda na madereva walivyo. Wanalewa weee, halafu wanakosa umakini barabarani na kusababisha ajali kizembe,” alisema mama mmoja aliyeficha jina lake kuogopa lawama.

»

UGUMBA WAMTESA WEMA, AKIWA NA MIAKA 26 SASA

Tatizo la kutoshika mimba (infertility) au kushindwa kupata mimba (conceive) limekuwa likimtesa staa wa Bongo Movies, Beautiful Onyinye, Wema Isaac Sepetu na limehusishwa na ugumba.
Akizungumza na Amani juu ya ishu hiyo hivi karibuni jijini Dar es Salaam, Wema alisema suala la kutopata mtoto limekuwa likimkosesha amani katika maisha yake ya ukubwani.
Staa wa Bongo Movies, Beautiful Onyinye, Wema Isaac Sepetu.
ASHINDA AKILIA
Alisema kwamba, amekuwa akishinda akilia kila anapokutana na shosti wake wa sasa, Aunt Ezekiel ambaye ni mjamzito.Wema alitiririka kwamba, kila wakati amekuwa akimwambia Aunt kuwa na yeye anatamani kupata mimba lakini Mungu hajamjalia. Kwa kusema hivyo, huwa wanajikuta wakikumbatiana na kuangua vilio wote kwa pamoja.
TATIZO UMRI UMEENDA
Kwa mujibu wa mtu wa karibu wa mkali huyo wa sinema za Kibongo ambaye pia ni Miss Tanzania 2006, mwanadada huyo anaona umri umeenda sana kwani tayari ana miaka 26 sasa.
“Unajua Wema alishajaribu kupata mtoto mara kadhaa ikashindikana na umri nao unakwenda hivyo lazima akose amani. Hebu fikiria aliwahi kuwa na Kanumba (marehemu Steven), Jumbe (Yusuf), Chaz Baba (Charles Mbwana) na Diamond (Nasibu Abdul) lakini kote huko alitoka kapa.
Lady jaydee.
YAMKUTA YA JIDE
“Mbaya zaidi ni maneno yanayosemwa na watu yanamuumiza sana, wanasema ni mgumba kama ilivyokuwa kwa Jide (mwanamuziki Judith Wambura ‘Jaydee’).“Kwa kweli hali hiyo inamtesa sana ila watu hawajui bora wakafunga vinywa vyao na kuacha kuandika kwenye mitandao ya kijamii,” alifunguka mtu huyo wa karibu.
AKIWAONA MA-MISS TZ WENZAKE WANA WATOTO KILIO
Chanzo hicho kiliendelea kufunguka kwamba, Wema amekuwa akilia kila anapowaona ma-Miss Tanzania wenzake wakiwa na watoto wao.
Ilisemekana kwamba warembo ambao wanamliza ni Wema Nancy Sumary (Miss Tanzania 2005), Faraja Kota (2004), Hoyce Temu (1999), Jacqueline Ntuyabaliwe ‘K-lynn’ (2000) na Miriam Gerald (2009).
Ilisemekana kwamba wengine aliokuwa nao kwenye shindano hilo mwaka 2006 ambao wana watoto ni Lisa Jensen, Aunt Ezekiel na wengine ambao kwa pamoja wamekuwa wakimfanya naye atamani kupata mtoto.
DAKTARI AELEZA
TATIZO KWA KINA
Akielezea tatizo hilo kwa kina, Dk. Fadhili Emily wa Kitengo cha Tiba ya Sayansi cha The Fadhaget Sanitarium Clinic kilichopo Mbezi-Africana jijini Dar alisema:“Kwa mujibu wa tafiti mbalimbali, wanandoa asilimia 50 wanapata mimba ikiwa watajamiiana bila kutumia kinga, wakifanya tendo hilo ndani ya miezi mitatu, asilimia 75 baada ya miezi sita na asilimia 95 baada ya mwaka mmoja lazima kuwe na matokeo kama hakuna kuna tatizo.
Aunt Ezekiel.
NINI SABABU?
“Sababu za tatizo la kutopata mimba ni nyingi sana na baadhi yake ni hizi zifuatazo:
“Matatizo ya mbegu za kiume (sperm disorders).
“Asilimia 35 ya wanaume wana tatizo hili na lingine ni kutopevuka kwa mayai kwa wanawake kitaalam huitwa ovalatory dysfunction.
“Matatizo mengine ni yale yasiyo ya kawaida ya ute wa shingo ya uzazi ambapo ni asilimia 5 tu.
“Wengine huwa na matatizo ya homoni na wapo wanawake ambao hawapati mimba na sababu zao hazijulikani, hawa ni asilimia 10.”
MSONGO NA
WASIWASI
“Wengine ni kutokana na kuwa na msongo na wasiwasi. Tatizo lingine la mwanamke kutoshika mimba husababishwa na hitilafu katika mirija ya uzazi (tubal dysfunction), hawa huwa asilimia 30. Wanawake wenye tatizo hili wanashauriwa kuhudhuria kliniki za akina mama ili waonane na madaktari.
Lisa Jensen.
“Lakini pia wanashauriwa kufuatilia siku zao za mzunguko wa hedhi na tendo la ndoa mara kwa mara hasa baada ya siku 10 kutoka siku anapomaliza hedhi na aanzie siku ya kwanza ya kupata hedhi.
“Pia wanawake wanashauriwa wawe wanapima joto la mwili asubuhi na jioni kipindi cha kushika mimba na kama litaongezeka kwa nyuzi joto 0.5 wanashauriwa kipindi hicho kufanya tendo la ndoa.”
KWA ULAYA NA MAREKANI
“Kwa nchi za Ulaya na Marekani wana kipimo cha kuonesha siku ambayo yai litapevuka, hivyo mtu kuwa na uhakika na siku ya kupata mimba akiamua. Kipimo hicho kinaitwa luteinizing hormone prediction test kits.
“Pia wanawake wanaotaka kupata mimba wanashauriwa kuepuka ulevi na uvutaji wa sigara kupindukia. Lakini hata wale wenye mimba wanashauriwa kuepuka vitu hivyo.”
UGUMBA NA UTASA
Dokta huyo aliendelea mbele na kusema ugumba ni tatizo linaloweza kuondoka kwa mtu siku moja. Na mgumba ni mwanamke au mwanaume na ni yule mtu ambaye umri wake wa kuzaa umefikia lakini hawezi kutunga mimba (kwa mwanaume) au kutungwa mimba (kwa mwanamke).Alisema tasa ni viumbe wote, hata wanyama wanaweza kuwa tasa lakini wanyama hawawezi kuwa wagumba.

»

SUGU AFUNGUKA-"KIKWETE STUDIO ULIYOITANGAZIA DUNIA KAWAPA WASANII IKO WAPI NA UMEMKABITHI NANI?'

 Joseph Mbilinyi aka Sugu
Mbunge wa Mbeya Mjini, Joseph Mbilinyi aka Sugu, amesema hajaweza kufanya kitu chochote kuwasaidia wasanii kwa kuwa wakati anagombea Ubunge hakuna aliyekuwa nyuma yake. Sugu amelazimika kusema hayo baada ya shabiki kutaka kujua ni kitu gani alichowafanyia wasanii tangu awe Mbunge.

''Hao wanaozingua wakamuulize Kikwete studio aliyoitangazia dunia kawapa wasanii iko wapi na kamkabidhi nani, amehoji Sugu kwenye Instagram. Rais kashindwa kuwasaidia wanataka kumlaumu mbunge wa Mbeya mjini, wakati hata hao wasanii wenyewe kimsingi hawakutusapoti kwa namna yoyote wakati tunagombea huo ubunge, wote walikuwa wanajipendekeza kwenye kampeni za CCM''.
You might also like:

»

Baada ya Kusambaa kwa Stori ya Kutoka na Aliekuwa Bwana wa Wolper , Wastara Amesema Haya

Kupitia ukurasa wake wa ‘fesibuku’ Wastara amendika;

“Kalamu ya muandishi imegeuka kuwa fimbo ya wanyonge tofauti na miaka ya nyuma,wanaandishi wanakula mishahara mara mbili wa kituoa anachofanyia kazi na wamtu anaempa habari,hivyo kuandika anachoambiwa sio anachokiona

Pesa inatumika kupotosha ukweli na ukweli ndio uongo waleo,nimeamini maneno yangekuwa sumu ningeshakufa zamani sana lakini kwakua mdomo nyumba ya maneno bado niko hai

Tupendane tushikamane na tuishi kwa usawa usipende kuonea unachoambiwa ongea unachokijua,sio pesa ikufanye kuharibu image nzima ya mtu kwanza kwa pesa gani?

Allah ndio amenitengeneza na ndio atakaenichukua akiamu na ndio mwenye uwezo wa kunishusha na kunipandisha lakini sio wewe tuliokutana duniani”.- wastara alimaliza.

Hivi juzi kati Watara alidaiwa kutoka na alikuwa bwana wa Jaqline Wolper anaefahamika kwa jina la  Mark Edi ambae ni mfanya biashara wa mavazi.

»

MGOGORO NDANI YA CHAMA KIPYA CHA ACT-TANZANIA WANUKIA TENA.....MWENYEKITI ALIYETIMULIWA AMTUPIA LAWAMA ZITTO KABWE

SAKATA la uongozi ndani ya Chama cha Mabadiliko na Uwazi (ACT-Tanzania), limeendelea kuchukua sura mpya baada ya uongozi uliodaiwa kuvuliwa madaraka, kudai Bw. Zitto Kabwe ndiye aliyesababisha mgogoro katika chama chao.
Akizungumza na waandishi wa habari Dar es Salaam jana, aliyekuwa Mwenyekiti wa Chama hicho Kadawi Limbu alisema chanzo cha mgogoro unaoendelea katika chama hicho ni Bw. Kabwe ambaye awali hakuwa mwanachama halali; lakini alipanga mikakati yote nje ya chama.
Alisema mikakati mingi ya chama hicho ilipangwa nyumbani kwa Bw. Kabwe na watu watatu akiwemo Profesa Kitila Mkumbo na Katibu Mkuu wa chama hicho, Bw. Samson Mwigamba bila yeye kama kiongozi (Limbu) kujulishwa.
"Nipo tayari kufa hadi haki ipatikane, mimi ndiye kiongozi wa ACT-Tanzania, mara ya mwisho kuwasiliana na Bw. Kabwe ni Desemba 10, 2014, barua kutoka kwa Msajili Siasa ya Februari 27, 2015 kwenda kwa Katibu Mkuu wa chama, alisema yeye ametoa ushauri si maelekezo.
"Ushauri wake tunaweza kuufanyia kazi kwenye vikao, lakini imechukuliwa tofauti na kuonekana Msajili amebariki kufanya walichofanya...haiwezekani uchaguzi wa mikoani ufanyike na watu watatu, mimi ni mti mkavu ndani ya ACT, lakini Kabwe na Selemani Msindi (Afande Sele) ni miti mibichi," alisema.
Bw. Limbu aliongeza kuwa, kadi yake ni namba moja ndani ya ACT, hivyo ndiye mwanzilishi wa chama hicho ambapo Bw. Kabwe ameingia siku chache zilizopita na Katiba ya chama hairuhusu mwanachama kugombea uongozi hadi afikishe miezi sita ndio apate uongozi.
Alisema kwa sasa wamefungua kesi namba 17 ya mwaka 2015; hivyo kama ACT-Tanzania wataendelea na taratibu za
kuchagua viongozi ndani ya chama wataishia njiani hadi kesi ya msingi itakaposikilizwa na kutolewa uamuzi.
"Kabwe hawezi kuhamia kwenye chama ambacho hakina Mwenyekiti na Makamu...yupo Katibu peke yake, tunamwonya aingie kwenye chama; lakini hatutaki migogoro," alisema.
Aliongeza kuwa, hivi sasa wako mbioni kuhamisha ofisi za chama hicho kwani zipo nyumbani kwa mtu ili waendelee na kazi ndio maana mgogoro ulivyotokea waliamua kutokwenda ofisini ili kuepusha madhara ambayo yangeweza kutokea.
"Licha ya Kabwe kudai ni mzalendo, lazima ajipime kwanza na wenzake kwani anachokifanya si sahihi, sifa ya mzalendo
ni mtu kuogopa kitu cha watu wengine, haiwezekani mtu afanye maamuzi nje ya chama," alisema Bw. Limbu.
Akijibu tuhuma hizo,  Bw. Mwigamba alisema Msajili wa Vyama vya Siasa alitoa ushauri kwao ili kumaliza mgogoro uliopo kwa njia ya amani si vinginevyo.
Akizungumzia kesi iliyopo mahakamani, alisema si kwamba Bw. Limbu na wenzake wamemshtaki Katibu Mkuu, bali walioshtakiwa ni wengine ndani ya chama.
"Tunamtambua Limbu kama mwanachama wetu halali lakini si kiongozi wala Mwenyekiti wa chama, tunamkaribisha aweze  kugombea nafasi mbalimbali za uongozi.
"Kuhusu Kabwe, sisi hatuwakatai wanachama bali tunamshukuru kwa kuja na kutuongezea wanachama wapya 12 waliojiunga kwa siku moja," alisema.
Bw. Mwigamba alisema Bw. Limbu na wenzake walikuwa hawataki uchaguzi ufanyike ndani ya chama jambo ambalo
haliwezekani kwani chama kinaweza kikafutwa na hayo anayosema ni yake; lakini kila kitu kipo wazi.

»

VIDEO:: FILAM MPYA YA WEMA SEPETU NA VAN VICKER IMEKAMILIKA, ICHEKI HAPA

Filamu ya ushirikiano kati ya muigizaji wa Tanzania Wema Sepetu na muigizaji wa Ghana Van Vicker iliyokuwa ikisubiriwa kwa hamu hatimaye imekamilika.
Filamu hiyo iitwayo ‘Day After Death’ (D.A.D) imeongozwa na Van Vicker kupitia kampuni ya Sky+Orange productions na Endless Fame Production ya Tanzania.

Wema Sepetu ambaye mwishoni mwa mwaka jana alisafiri kwenda nchini Ghana kutengeneza filamu hiyo, ameweka trailer ya filamu hiyo kupitia Instagram yake:
#DAD movie The long wait is over. The much anticipated COLLABORATION (Ghana- Sky+Orange productions & Tanzania- Endless Fame Production) trailer of D.A.D (Day After Death) is out. Starring @wemasepetu & @iam_vanvicker #sky+orangeproductions #endlessfameproduction ##weRmovies&moviesRus #mylife #mysuccessstory”
Tazama trailer ya filamu hiyo:



»

UMEIPATA HII YA WEMA SEPETU? BIASHARA YAKE YA MTANDAONI NA BEI YAKE VIKO HAPA

Muigizaji Wema Sepetu amesema mitandao ya kijamii inanafasi kubwa katika maisha yake hasa katika maswala ya utangazaji na kutolea mfano mtandao wa Instagram na kusema, umerahisisha kazi kutokana na kutumiwa sana katika matangazo, yeye ameweza kujua maduka mengi na vitu vingi kupitia mtandao huo na endapo mtu akitaka apost kazi yake kwenye page yake ni kama Dola 1000 (elfu moja) au 2000 (elfu mbili) lakini inategemea na makubaliano.

»

ANGELINA JOLIE ATOLEWA KIZAZI

Muigizaji Angelina Jolie amelazimika kutoa mishipa ya kupitisha mayai na vifuko vya mayai baada ya uchunguzi kuonesha kuwa alikuwa katika hatari ya kuathirika na saratani ya nyumba ya uzazi.

Muigizaji huyo maarufu wa Hollywood ameidokezea jarida la New York Times, kuwa alilazimika kutoa uzazi wake juma lililopita katika upasuaji wa dharura.

''Upasuaji huo ulitokana na ripoti ya uchunguzi wa daktari uliobaini kuwa nilikuwa na asilimia 50 ya chembechembe zenye hatari ya kuambukizwa saratani'' alisema Bi Jolie

Habari hizi zimewashtua wafuasi na mashabiki wa totoshoo huyo ambaye miaka miwili tu iliyopita alilazimika kukatwa matiti kwa sababu ya tishio hilohilo la Saratani.

Aidha mama wa  muigizaji huyo nyota aliaga dunia kufuatia hitilafu iliyotokana na matibabu ya saratani.

''Sio jambo rahisi sana kukabiliana na swala hili gumu linalohusu afya yangu'' alisema Jolie.

Jolie ambaye ni mumewe ni  muigizaji nyota wa Holywood  Brad Pitt, anasema kuwa vipimo vilionesha chembechembe za maradhi hayo na ikamlazimu kuchukua hatua hiyo mara moja.

Wawili hao wana   watoto sita. na Mamake tayari aliaga Dunia kutokana na Saratani

»

PICHA:THAMANI MJENGO WA DIAMOND BALAA NI ZAIDI YA MIL 400

Nasibu Abdul ‘Diamond’ ndiyo habari ya mjini kwa sasa ambapo gumzo zaidi ni kuhusu gharama halisi huku mkandarasi mmoja akikisia kuwa si chini ya sh. mil. 400.
Mjengo wa Staa wa Bongo, Nasibu Abdul ‘Diamond’ Madale nje kidogo ya Jiji la Dar.
Mjengo huo wa Diamond uliopo maeneo ya Madale nje kidogo ya Jiji la Dar, unadaiwa kufikisha thamani hiyo kutokana na kuwa na vyumba vinne vya kulala, bwawa maalum la kuogelea (swimming pool), sehemu ya mazoezi (Gym), jakuzi, kaunta ya vinywaji, ukumbi wa kuchezea, studio ya muziki, uwanja wa mpira wa kikapu na sehemu ya kuchezea mchezo wa mishale (Darts).
Kwa mujibu wa Diamond, nakshi za dhahabu alizoziweka katika kuta za bafu na chooni pekee, zimemgharimu sh. mil. 70 kitu kinachoendana na utabiri wa mkandarasi huyo kuwa nyumba hiyo inafikia thamani ya zaidi ya sh. mil. 400.
Jikoni.
Akiuzungumzia mjengo huo baada ya kuuona, mkandarasi mmoja ambaye hakupenda jina lake lichorwe gazetini, alithibitisha kuwa mjengo huo unafikia sh. mil. 400 kwani umechukua nafasi kubwa, na ‘material’ yaliyojengea ni ya gharama.
”Ukitazama kwa makini, material nyingi zilizotumika kwenye ujenzi ni zile ya daraja la juu na si hizi za kawaida ambazo watu wengi wamezoea kujengea,” alisema mkandarasi huyo.Jitihada za kumpata Diamond ili aweze kuzungumzia gharama halisi za mjengo huo hazikuzaa matunda kufuatia simu yake ya mkononi kuita bila kupokelewa.
Februari mwaka 2013, nyumba hiyo ikiwa haijakamilika kwa maana ya kupambwa nje na ndani, Diamond alisema imemgharimu sh. mil. 260.Diamond aliripotiwa kuhamia kwenye nyumba hiyo wiki iliyopita, habari za uhakika zinasema kuwa nyota huyo alipata mkosi namba moja baada ya sehemu ya uzio wa upande mmoja kuanguka kutokana na mvua zinazoendelea kunyesha

»

KUHUSISHWA NA MTOTO WA MPENZI WAKE SIO WAKE;NEY WA MITEGO KUTAKA KUPIMA DNA

sintofahamu kati ya wapenzi wawili, Emmanuel Eribariki ‘Nay wa Mitego’, ambaye ni msanii wa Bongo Fleva na Siwema Edson juu ya mtoto wao mwenye umri wa miezi mitatu, mwanaume huyo amesema yupo tayari hata kwa vipimo vya vinasaba (DNA) ili kuthibitisha kuwa Curtis ni mtoto wake wa damu. Siwema ambaye Nay anadai kumfumania kitandani akiwa na mwanaume mwingine mjini Mwanza hivi karibuni, alisema Curtis si mtoto wa Nay, bali wa mwanaume mwingine ambaye hata hivyo hamtaji.
Akizungumza na paparazi wetu hivi karibuni, Nay alisema katika mambo yanayomshangaza na kumfedhehesha ni pamoja na ishu ya mzazi mwenzake kuropoka kuwa Curtis si mwanaye, kwani anaamini hayo ni maneno ya hasira na yeye ataendelea kumpenda mtoto wake.
Emmanuel Eribariki ‘Nay wa Mitego’ na Siwema Edson wakiwa na mtoto wao.
“Ujue najiuliza sana maana ya kuongelea hili jambo mitandaoni, kusema Curtis siyo mwanangu, kiukweli ninamuacha aongee anavyotaka lakini nasisitiza kuwa ninampenda sana mwanangu,” alisema Nay wa Mitego.
“Niko tayari kupigana hadi tone la mwisho ili mwanangu aweze kuishi kwa amani na upendo na wala sioni tena kama kuna haja ya kuyapa nafasi maneno ya mtandaoni kwa sababu naamini Curtis ni mwanangu na nipo tayari hata kupima DNA nikibaini siyo wangu  nitajua la kufanya,” alisema Nay.

»

MATUKIO KATIKA PICHA:MCHUNGAJI WA KANISA LA PENTEKOSTE AFUMWA LIVE GESTI NA MKE WA MWANAJESHI

Mchungaji mmoja wa Kanisa la Pentekoste, raia wa Kenya aitwaye Pasca Mugambi hivi karibuni alinaswa chumbani ‘live’ katika gesti moja iliyopo Manzese Tip Top akiwa na mke wa askari wa Jeshi la Wananchi wa Tanzania (JWTZ) ambaye ni muunini wake, Risasi Mchanganyiko linakupa kisa kamili.
Mchungaji Pasca Mugambi akikosa la kufanya baada ya kufumaniwa.
TUJIUNGE NA CHANZO
Chanzo kilicho karibu na mke wa mjeshi huyo kilisema kuwa mchungaji huyo alikuwa akifanya shughuli zake za maombezi mjini Dodoma na kwamba askari huyo alimuita ili ampe huduma za kiroho mama yake mzazi aliye mgonjwa, baada ya kuwa amefahamishwa kwake na rafiki yake mmoja.
“Mchungaji huyo alikuwa akiishi sehemu nyingine hapa Dar lakini akienda kila siku nyumbani kwa mjeshi huyo kumfanyia maombi mama yake. Sasa akiwa pale akavutiwa na mke wa jamaa akaanza kumtongoza, ikiwa ni pamoja na kumtumia picha zake mbalimbali za utupu, (tunazo),” kilisema chanzo hicho.
MKE ‘AMCHOMA’ MCHUNGAJI
Inadaiwa kuwa kitendo cha kutongozwa na mchunga kondoo huyo hakikumpendeza mwanamke huyo, ambaye aliamua kulifikisha suala hilo kwa mumewe ili wajue cha kufanya.
MJESHI AANDAA ADHABU NYEPESI
Chanzo chetu kinadai kuwa mwanaume huyo mwenye cheo jeshini, alimwambia mkewe kuwa asingependa kumuadhibu mchungaji huyo kwa kutumia cheo chake, badala yake akataka kushirikishwa kwa makamanda wa kitengo maalum cha Operesheni Fichua Maovu (OFM) cha Global Publishers.
MJESHI AMWAGA UBUYU KWA OFM
“Huyu mchungaji nilimtoa Dodoma baada ya kupewa namba zake na rafiki yangu mmoja ili aje kumuombea mama yangu ambaye ni mgonjwa, lakini sasa namshangaa amepeleka maombi mengine kwa mke wangu, anamsumbua sana kuwa anampenda, nataka nimkomeshe ili iwe fundisho kwa wachungaji wengine wenye tabia kama yake,” mjeshi huyo aliwaambia makamanda wa OFM kwa njia ya simu.
MCHUNGAJI AINGIZWA KINGI
Baada ya kukubaliana na mumewe juu ya kumkomesha mkware huyo, mke alikubali ombi la mchungaji huyo (huku moyoni akiwa na lake jambo), mchungaji naye bila hiyana akajaa na kumuomba mwanamke huyo wakutane katika gesti hiyo tayari kwa kuivunja amri ya sita ya Mungu iliyo katika kitabu kitakatifu cha Biblia.
Mchungaji Pasca akiwa na muumini wake aliyenaswa nae.
MCHUNGAJI ATANGULIA GESTI
Akiwa na uchu, mchungaji huyo alitangulia ndani ya gesti hiyo (jina lake linahifadhiwa kwa sababu za kibiashara) na kupewa chumba namba 103 na kumtaarifu ‘bibie’ kuwa alikuwa tayari amefika.
MJESHI ABANA CHOBINGO
Wakati mawasiliano hayo yakifanywa, mjeshi huyo alikuwa na mkewe ‘chobingo’ wakiwasubiri makamanda wa OFM ambao walipoungana nao, mume huyo aliwatambulisha kwa mkewe na kuwapa mchongo mzima.
UTAMBULISHO WA FASTAFASTA
“Huyu ndiye mke wangu ambaye anasumbuliwa sana na huyo mchungaji, tulikuwa tunawasubiri mfike ili yeye aende chumbani kwa sababu tayari mchungaji ameshafika na anamsubiri,” alisema mjeshi huyo ambaye jina lake linahifadhiwa kwa sababu maalum.
MWENYEKITI WA MTAA AITWA
Ili kwenda kisheria zaidi, OFM ilimtafuta Mwenyekiti wa Serikali wa mtaa huo aliyejitambulisha kwa jina moja la Mzee Mushi na kumpa mkanda kamili ambapo alikubali kutoa ushirikiano ikiwa ni pamoja na mmiliki wa gesti hiyo.
MCHUNGAJI AKUTWA NA BUKTA
Katika kundi lililowajumuisha wote hao, walifika chumbani hapo baada ya muda mfupi wa kusubiri na walipogonga, mlango ulifunguliwa na kuwakuta wawili hao wakiwa wamekaa kitandani na tayari wameshavua nguo zao za juu, mchungaji akiwa na bukta na fulana.“Mh! Hii ni aibu jamani yaani mchungaji kukutwa katika hali hii, waumini wataiga nini kwake?” alihoji mhudumu mmoja wa gesti hiyo.Akivaa baada ya fumanizi hilo.
ETI ALIKWENDA KUFANYA MAOMBI
Alipoulizwa na mwenyekiti sababu za kuwepo na mke wa mtu anayefahamiana naye, yeye akiwa mtumishi wa Mungu, mchungaji huyo alijibu kuwa aliombwa na dada huyo kumfanyia maombi.“Jamani naomba mnisamehe, shetani alinitangulia nilitaka kufanya maombi humu ndani,” alisema kwa kigugumizi mchungaji huyo.
MJESHI AMSAMEHE MCHUNGAJI
Katika hali ya ujasiri mkubwa, mjeshi huyo alimchukua mkewe na kumsamehe mchungaji huyo, lakini akamuonya kuachana na mchezo huo kwani anaweza kupoteza maisha yake

»